Role viçi me djathë

0
31

A keni menduar se çfarë do të përgatisni për sonte ? Ja një recetë fantastike…

Përbërësit:

* 12 feta mishi viçi shumë të holla
* 200 g djathë dhie i freskët
* një tufë majdanoz
* disa gjethe borziloku
* 1 thelb hudhër
* vaj ulliri, gjalpë
* kripë, piper, sipas nevojës

Përgatitja:

1. Majdanozin dhe borzilokun të larë e të tharë. I grijmë imët me dorë dhe më pas i përziejmë me pirun me djathin.

2. Çdo fetë mishi e rrahim me rrahësin e mishit për t’i bërë sa më të holla. Mbushim secilën fetë me pak djathë, i rrotullojmë si role duke i mbyllur me një kruajtëse dhëmbësh.

3. Vëmë në zjarr një tigan me pak vaj ulliri dhe gjalpë, skuqim hudhrën, të cilën më pas e heqim kur të ketë marrë ngjyrë. Vëmë tani roletë e mishit dhe këto i skuqim me flakë jo shumë të lartë duke I rrotulluar nga të gjitha anët.

I rregullojmë për kripë e piper dhe i shërbejmë menjëherë me salcën që është krijuar gjatë skuqjes së tyre dhe me pak sallatë jeshile sipas dëshirës.

//gatojca/

Komento

Please enter your comment!
Please enter your name here

This site uses Akismet to reduce spam. Learn how your comment data is processed.