“Mokita”, u prezantua fuqishëm nga Valdrin Sahiti (FOTO)

0
1452

Mbrëmja e së enjtes solli koleksionin me të ri të Valdrin Sahiti të quajtur “Mokita”, ku përpos duartrokitjeve, brohoritjeve edhe vallëzimi ishte pjesë e kësaj sfilate me 130 veshje.

Që në hyrje vërehej glamuri, dritat, e ca tavolina me disa lule të freskëta. Padyshim që në dy anët e pasarelës ishin vendosur karrige të zeza nga tre rende prej tyre, por që, edhe këto ishin të pakta për mysafirët e kreatorit Valdrin Sahiti.

Në këto 130 veshje, 100 ishin fustane me gjashtë ngjyra të ndryshme si e kuqja, vjollcë, ari, e zezë, hirtë dhe kuqe e mbyllët, ku në mes të prezantimit të këtyre fustaneve filloi edhe prezantimi i veshjeve për meshkuj, që tashmë njihet si brendi VS.

This slideshow requires JavaScript.


Krejt për fund, i lumtur më gjithë këtë sukses u shpreh Valdrin Sahiti, duke treguar për gjithë koleksionin në detaje. Ai tregoi për KultPlus se që nga 2 prilli atelieja “Valdrin Sahiti”, do të hapet edhe në Tiranë.

Komento

Please enter your comment!
Please enter your name here