Ajri i papastër në shtëpitë tona – Gjashtë zgjidhjet më të mira natyrale për ta pastruar

0
78

Cilësia e ajrit në shtëpi, zyra apo ambiente të brendshme është një aspekt i neglizhuar i stilit të jetesës që ka ndikim shumë të madh në shëndetin tonë.

Të dhënat shkencore konfirmojnë se mjediset e brendshme në përgjithësi janë tashmë dy deri në pesë herë më toksike se ambientet e jashtme.

Burimet E Ndotjes Së Cilësisë Së Ajrit Të Brendshëm

Burime të ndotjes janë gazrat e çliruar nga gatimi, kondicioneri, kimikatet e lëshuara nga qirinjtë apo solucionet e pastrimit, tymi i duhanit dhe toksinat e lëndëve të përdorura të ndërtimit.

Shumë studime kanë zbuluar se diagnostikimi i fëmijëve me alergji e sëmundje të tjera ka shpesh lidhje me substancat ndotëse që gjenden në shtëpi.

6 Zgjidhje Natyrale Për Përmirësimin E Ajrit Të Brendshëm

Eliminoni Burimin E Ndotjes

Nëse përdorni sobë ose pajisje me gaz, sigurohuni që të keni nën kontroll emetimet e tyre në ajër.

Largoni çdo burim të rrezikshëm sintetik dhe me fragranca toksike, duke nisur që nga qirinjtë deri te qeset me aromë të plehrave.

Pastroni kondicionerin dhe aspiratorin rregullisht që të keni një ajër më të pastër në shtëpi.

Ajrimi i Rregullt

Ajrimi i duhur e mban mjedisin të pastër.

Në të njëjtën mënyrë si mushkëritë, edhe shtëpia ka nevojë për ajër, ndaj hapni dyer e dritare që të përmirësoni qarkullimin e ajrit.

Aromat Natyrale të Ajrit

Ju këshillojmë të përdorni produkte natyrale të pastrimit në shtëpi siç janë soda e bukës, agrumet si limoni, uthulla e mollës dhe vajrat esencialë.

Ju mund të përgatisni solucionin tuaj për freskinë e ajrit duke përzier ujë me vajra esencialë.

Një mënyrë tjetër është që të zieni karafil, kanellë dhe erëza të tjera aromatike dhe të lejoni përhapjen e aromës së mirë.

Lani çarçafë, këllëfë e mbulesa rregullisht me ujë të nxehtë.

Mos harroni që pambuku është një nga bimët që përmban edhe pesticide.

Beso Dhe Kontrollo

Sipas të dhënave, ajri i shtëpisë humbet freskinë edhe nga përdorimi i produkteve si llaku apo shkuma e flokëve.

Kur të blini një produkt që reklamohet si tepër i mirë, kontrolloni gjithmonë etiketat për të zbuluar nëse produktet tuaja të preferuara janë me toksina apo jo.

Shmangni detergjentët e larjes dhe pastrimit që kanë përmbajtje kimike.

Soda e bukës dhe uthulla janë një alternativë e lirë dhe efikase e këtyre detergjentëve.

Kujdes Me Mobiljen

Zgjidhni parkete druri, hiqni qilimat ose tapetet problematike që përthithin pluhura e toksina.

Pastroni dyshekun gjithnjë me sodë buke.

Zgjidh Bimën E Duhur

Disa bimë mund të mbahen në shtëpi jo vetëm për zbukurim por edhe pastrim të ajrit.

Disa prej bimëve më të mira janë Palma Bambu, Zambaku i Paqes, Bima Merimangë, Fikusi e të tjerë.

//agroweb/

Komento

Please enter your comment!
Please enter your name here

This site uses Akismet to reduce spam. Learn how your comment data is processed.