6 mënyra natyrale për të pastruar trupin në pranverë

0
615

Meqë pranvera është zyrtarisht e pranishme, është koha ta lësh mënjanë dimrin me të gjithë ngarkesën e tij. Ashtu siç pastron shtëpinë kur hyn pranvera, edhe trupi ka nevojë për të njëjtën gjë. Pa harruar që vera po afron dhe nuk mund të jesh gati për bikinit brenda dy ditësh. Pa një përpjekje të madhe, ja ku janë metodat natyrale për të pastruar trupin në këtë stinë. Pse nuk e fillon që sot?

Bëj një plan të ri për vaktet

Lëri mënjanë ushqimet e rënda dhe të yndyrshme të dimrit dhe fillo një dietë të re me ushqime organike. Në pranverë sistemi imunitar është akoma i dobët, kështu që ki parasysh të përfshish në dietë ushqime të pasura me vitaminë C, është kusht i çdo dite: kastravecë, karrota, domate, ananas, mollë, kungull, selino, qepë të njoma dhe të gjitha frutat dhe perimet jeshile.

extrak-ot-ginger

Pi më shumë çajra bimorë

Çaji bimor, ndoshta nuk është pija më e shijshme për mëngjes, por është shumë më i shëndetshëm se sa kafja e zezë, madje edhe çaji jeshil. Filloje ditën me një filxhan çaj bimor: nenexhiku, xhenxhefili ose kamomili, mënyra më e mirë për ta pastruar trupin nga helmet, për të ndihmuar rënien në peshë, por edhe për të rritur nivelin e energjisë. Uji me limon është një tjetër alternativë e mirë për mëngjes.

leng_frutash

Përgatiti vetë lëngjet e frutave

Ata që e fillojnë ditën me një gotë lëng frutash, duhet të investojë për një shtrydhëse të mirë. Lëngjet e përgatitura në shtëpi kanë veti fantastike pastrimi të organizmit. Disa nga përbërësit më të mirë për të shtuar në lëngje janë molla jeshile, luleradhiqja, majdanozi, avokado, lakra jeshile, zarzavatet e verdha, spinaqi dhe rrushi.

Pi më shumë ujë

… të paktën për dy javë. Pirja e ujit ndihmon për të pastruar organizmin dhe ndihmon tretjen. Kjo është veçanërisht e rëndësishme në fillim të pranverës. Në këtë kohë nuk është e thënë të pish ujë si zakonisht. Shto disa boronica për të përmirësuar shijen.

Eksperimento më shumë me sallatat

Sallata duhet të jetë në krye të menusë së pranverës. Është e shëndetshme dhe e shijshme, por edhe me veti shumë të mira pastrimi. Testo me fruta dhe perime në sallatë, të stinës dhe të gjalla, shto edhe fara soje ose fara të tjera që ndihmojnë pastrimin. Po ashtu, edhe një sasi e vogël lëng limoni mbi sallatë bashkë me disa fara liri ia shton vlerat ushqyese.

Sallate-greke

Mëso të hash me mendje të kthjellët

A e di se një nga arsyet kryesore pse ha më shumë se ç’duhet dhe shton në peshë është e ngrëna pa mendje? Mbi të gjitha, duhet të kesh kujdes që të mos hash duke pasur përballë televizorin, telefonin, laptopin etj. Përtype mirë të gjithë ushqimin në çdo kafshatë. Kjo do të të ndihmojë për të absorbuar të gjitha vlerat ushqimore nga ushqimi dhe do t’i japë stomakut kohë të mjaftueshme për t’i dhënë sinjal trurit se ndihet i ngopur. Arti i të ngrënit në mënyrë të ndërgjegjshme është vërtet një punë e lehtë për t’u zotëruar. /revistaclass/

Komento

Please enter your comment!
Please enter your name here